Сите ние сме луѓе, но не знам колкумина си го поставуваат прашањето: „Што е човек?“ Ако почнете разговор на оваа тема, и ако го поставите ова прашање, многумина ќе ви кажат дека знаат што е човекот. Но всушност, во моментот кога ќе почнете да анализирате и кога ќе се обидете да дефинирате што всушност е човекот, или кога ќе почнете да се разгледувате самите себеси и другите околу вас, особено оние што ви се важни, оние што ги сакате, оние што ви значат, оние што се дел од вашиот секојдневен живот, оние што сакате да ги откриете т.е. да ги запознаете, ќе забележите дека она што би требало да ни е најмногу јасно – всушност ни е најмногу нејасно.
До голема мера, човекот останува таинство за самиот себеси!
За да можеме да ги разбереме другите, треба да проникнеме во оној дел на нивното поведение или однесување, кој им е вроден, а тоа е темпераментот.
Само откако ќе го определиме темпераментот, можеме да го искористиме во правец на наше лично запознавање и подобро разбирање на самиот себеси, и дури потоа да изградиме поздрави заемни односи во бракот и во семејството. Многу полесно ќе можеме да се справиме со стресот и со тензиите и како да ги неутрализираме, и најважно од сѐ, како сето тоа да го држиме во еден задоволувачки баланс.
Со ПСИХОБАЛАНС до вашиот идеален баланс
Разбирањето на темпераментот ни дава едно посебно познавање што се случува внатре во човекот. Ни помага да ги утврдиме тензиите или чувствата со кои некој се бори. Освен тоа, разбирањето на темпераментот ни дава можност да проникнеме во самиот човек.
Човекот е создаден од неколку компоненти кои се тесно сврзани и не можат да бидат разделени. Секоја една компонента е одлучувачки фактор за човековото поведение.
Тоа се духовната, емоционалната и физичката област на човечката природа (дух, душа и тело).
Човекот е духовно суштество, поседува душа и живее во тело!
Со ПСИХОБАЛАНС до баланс на вашите дух, душа и тело
Човекот е физичко, емоционално и духовно суштество со основни потреби.
Кога човек се обидува да ги задоволи овие свои потреби, во неговата потрага по задоволство, тој е поттурнат кон секуларните работи.
На пример, една физичка болест може да повлијае на нашето однесување точно како што ни влијае нашата духовна или емоционална болка. Од темпераментот се определуваат какви емоционални нарушувања, навики при исхраната, спиење или пиење, предиспозиции кон алкохолизам, зависност кон наркотици и сексуално насилство може да развие човекот.
ПСИХОБАЛАНС е консултативно - едукативен кабинет во Р. Македонија, и е прв и единствен од ваков вид. ПСИХОБАЛАНС нуди стручна, професионална и едукативна помош.- Мојата цел е да создадам удобна, мирна и доверлива средина каде што ќе работиме заедно за да ги постигнеме вашите цели.
Ве охрабруваме слободно да ни се обратете зашто довербата и дискретноста се гарантирани!